Alain Destexhe abona ko Amerika yakabaye iryoza Leta ya RDC kwanga kwitandukanya na FDLR

dest 2 b6cb6

Alain Destexhe wabaye Senateri mu Bubiligi n’Umunyamabanga Mukuru w’umuryango w’abaganga batagira umupaka, MSF, yagaragaje ko Leta Zunze Ubumwe za Amerika zakabaye zifatira ubutegetsi bwa Repubulika Iharanira Demokarasi ya Congo ibihano kubera ko bwanze kwitandukanya n’umutwe w’iterabwoba wa FDLR.

Thank you for reading this post, don't forget to subscribe!

Ni ubusesenguzi ku bihano Amerika yafatiye Ingabo z’u Rwanda (RDF) na bamwe mu bayobozi bazo ku wa 2 Werurwe 2026, ibashinja gufasha ihuriro AFC/M23 no guhungabanya umutekano wo mu burasirazuba bwa RDC.

Mu butumwa Destexhe yanyujije ku rubuga X ku wa 3 Werurwe, yagaragaje ko Leta ya RDC ari yo yakabaye ifatirwa ibihano kuko yanze kubahiriza umwanzuro w’akanama k’Umuryango w’Abibumbye n’amasezerano y’amahoro ayisaba gusenya FDLR.

des 2 552fe 9d0c2

Yagize ati “Ni RDC ikwiye gufatirwa ibihano, si u Rwanda. RDC yenyegeje intambara, yica Abanye-Congo b’Abatutsi. Nubwo yasinye amasezerano menshi harimo n’umwanzuro w’akanama ka Loni wa 2773, iracyanga kwitandukanya na FDLR ikiri ikibazo gikomeye kibangamiye umutekano mu karere. Inaha amafaranga intagondwa za Wazalendo zikwirakwiza iterabwoba.”

Destexhe yatangaje ko Leta ya RDC iri gukorana n’abacanshuro b’abanyamahanga, bakagaba ibitero bya drones ku basivili barimo abo muri Minembwe mu ntara ya Kivu y’Amajyepfo kandi ko ibyo bimaze iminsi. Yasabye Amerika gukanguka kugira ngo imenye ukuri.

Uyu Mubiligi yamaze imyaka myinshi akurikira ibibera mu karere k’Ibiyaga Bigari, cyane cyane ubwo yari mu buyobozi bwa MSF. Mu mwaka ushize, yasuye ibice byo mu burasirazuba bwa RDC, akusanya ubuhamya bugaragaza ibibazo byugarije iki gihugu

Muri Kamena 2025, Destexhe yatangaje ko ubushobozi bwa FDLR bwikubye kabiri kuva yatangira gukorana n’ingabo za RDC, agaragaza ko bigoye ko uyu mutwe w’iterabwoba wasenyuka burundu mu gihe ukomeje gushyigikirwa n’ubutegetsi bw’iki gihugu.

Ati “Umubare wabo wikubye kabiri nyuma y’uko FDLR yahawe intwaro n’inkunga y’ibindi bikoresho na Félix Tshisekedi kugira ngo imufashe kurwanya M23.”

Raporo y’impuguke z’Umuryango w’Abibumbye igaragaza ko abarwanyi ba FDLR bari hagati ya 1500 na 3000, ariko mu Ugushyingo 2025, Umuvugizi w’uyu mutwe mu rwego rwa gisirikare, Lt Col Octavien Mutimura, yatangarije radiyo mpuzamahanga y’Abafaransa, RFI, ko umubare wabo urenze uwo cyane.

Related Posts

Ikaze muri Trobriand, aho abaturage bahinduranya abagabo n’abagore uko babishatse

Umugabo aba ashobora guhindura umugore cyangwa umugore agahindura umugabo igihe cyose ashakiye. Thank you for reading this post, don’t forget to subscribe! Gucana inyuma ntibizwi kuri ibi birwa, abana babonwa…

Read more

Hagaragajwe uburyo Amerika yarashe ku basivile ba Iran ibigambiriye

Raporo nshya yagaragaje ko Leta Zunze Ubumwe za Amerika zagabye zibizi, igitero cya missile zitageragejwe ngo harebwe ingaruka zazo, ku basivile bo Mujyi wa Lamerd mu majyepfo ya Iran, benshi…

Read more

You Missed

Ikaze muri Trobriand, aho abaturage bahinduranya abagabo n’abagore uko babishatse

Ikaze muri Trobriand, aho abaturage bahinduranya abagabo n’abagore uko babishatse

Hagaragajwe uburyo Amerika yarashe ku basivile ba Iran ibigambiriye

Hagaragajwe uburyo Amerika yarashe ku basivile ba Iran ibigambiriye

U Rwanda ruraza gutungurana- Abakinnyi b’Amavubi nyuma yo kwegukana FIFA Series i Kigali

U Rwanda ruraza gutungurana- Abakinnyi b’Amavubi nyuma yo kwegukana FIFA Series i Kigali

Colds Solutions Rwanda yafunguye ikigo gitunganyirizwamo imboga n’imbuto byoherezwa mu mahanga

Colds Solutions Rwanda yafunguye ikigo gitunganyirizwamo imboga n’imbuto byoherezwa mu mahanga

Ibyo wamenya ku bihugu bitanu bitabarizwa muri Loni

Ibyo wamenya ku bihugu bitanu bitabarizwa muri Loni

Perezida Paul Kagame yashimangiye ko guha umurongo imikorere y’amadini n’amatorero mu Rwanda bitagamije kuyatoteza ahubwo bizatuma akora neza inshingano zayo aho kuba urwaho rw’abiba abaturage.

Perezida Paul Kagame yashimangiye ko guha umurongo imikorere y’amadini n’amatorero mu Rwanda bitagamije kuyatoteza ahubwo bizatuma akora neza inshingano zayo aho kuba urwaho rw’abiba abaturage.