Kuri uyu wa Kane tariki 23 Mata 2026, Minisitiri w’Ubutabera w’agateganyo, Todd Blanche, yahinduye ibyiciro by’imiti n’ibicuruzwa bisangwamo urumogi, abikura mu cyiciro cya mbere bishyirwa mu cya gatatu kidahungabanya ababikoresha.

Thank you for reading this post, don't forget to subscribe!

Mu mwaka ushize Trump yasabye ko imwe mu miti n’ibindi nk’urumogi byahindurirwa ibyiciro bibarizwamo kugira ngo horoshywe ubushakashatsi bubishingiyeho.

Gukoresha urumogi ntabwo byemewe muri Amerika. Icyakora leta zitandukanye z’iki gihugu zemeje ko rwakoreshwa mu buvuzi ndetse zishyiraho n’aho rwagurirwa.

Todd Blanche ati “Minisiteri y’Ubutabera iri gukorera ku isezerano rya Donald Trump ryo korohereza Abanyamerika kubona uburyo bw’ubuvuzi butandukanye.”

Yavuze ko guhindurira urumogi icyiciro rwabarizwagamo, byorohereza ubushakashatsi ku bijyanye n’uburyo rutakwangiza, cyane cyane mu guha abarwayi uburyo bwo kwitabwaho ndetse no guha abaganga amakuru yemewe.”

Kuva mu 1970 urumogi rwabarizwaga mu cyiciro cya mbere cy’imiti igenzurwa cyane muri Amerika. Rufatwa nk’urushobora gukoreshwa nabi bikaba byateza ibibazo ndetse ntabwo rwari rwemewe gukoreshwa mu buvuzi.