Umugabo aba ashobora guhindura umugore cyangwa umugore agahindura umugabo igihe cyose ashakiye.

Thank you for reading this post, don't forget to subscribe!

Gucana inyuma ntibizwi kuri ibi birwa, abana babonwa nk’impano iturutse ku bufindo, kandi amakimbirane bayakemuza umukino wa Cricket.

Ibirwa bya Trobriand biherereye ku nyanja ya Solomon mu Burasirazuba bwa Papouasie-Nouvelle-Guinée.

Uko abatuye kuri ibi birwa babona imibonano mpuzabitsina bitandukanye cyane n’uko abantu hirya no hino ku Isi bayibona kuko bo bayibona nko kwikemurira akabazo aho kuba umurunga uhuza abakundana.

Abakobwa bo mu Birwa bya Trobriand ntibasabwa kwifata ngo bakomere ku busugi bwabo nka bimwe tumenyereye ahubwo bashishikarizwa kuryamana n’abasore uko bashatse aho abenshi batangira kubikora bafite imyaka mike.

Bakunda guhinduranya abakunzi. Abakobwa baho ni inzobere mu gutereta kandi batereta kimwe n’abasore.

Nubwo Abakoroni b’Abanya-Australia bagerageje kwigisha abaturage bo mu Birwa bya Trobriand indangagaciro za gikirisitu ntibabashije guhindura umuco wabo.

Ibyo bigaragarira no mu myambarire yabo kuko nubwo muri ibi birwa hageze imyenda, amashuri, n’ibindi bikorwa by’amajyambere ntibibabuza kwambara imyambaro gakondo ihisha igice cyo hasi gusa maze hejuru bakarimba indabyo n’indi mitako. Amabere ntafatwa nk’igice cy’ibanga ku bagore.